Elfed Hughes

O ddydd i ddydd, rwy’n arwain tîm o fwy na 12 o bobl, gan oruchwylio rhedeg y chwarel yn ddiogel ac yn effeithlon. Rwy’n gyfrifol am reoli gweithrediadau o ddydd i ddydd, sicrhau bod safonau iechyd a diogelwch bob amser yn cael eu cynnal, cydlynu contractwyr ar y safle a chadw llygad agos ar reoli ansawdd fel bod pob llwyth sy’n gadael y safle yn bodloni’r safonau mae ein cwsmeriaid yn eu disgwyl.
Yr hyn sy’n bwysicaf i mi yw pan fydd pobl yn gweld enw Hogan ar lori neu ar safle gwaith, eu bod yn gwybod bod tîm y tu ôl iddo sy’n malio am y gwaith, y gymuned a’r safon rydym yn ei adael ar ein hôl.
Roedd cael cydnabyddiaeth gyda’r Wobr Cyflawniad Eithriadol gan y Gymdeithas Peirianneg Mwynau ym Mhrifysgol Derby, am brosiect grŵp ar gynhesu byd-eang, yn uchafbwynt gyrfa go iawn. Mae’n ein hatgoffa o sut y gall ein diwydiant chwarae ei ran wrth fynd i’r afael â heriau byd-eang mawr.
Y tu allan i’r gwaith, rwy’n aelod o Gôr Hogia Bodwrog ac yn dal i fwynhau gêm o bêl-droed pan rwy’n gallu.
Un o’r pethau mwyaf anarferol rydw i wedi’i wneud yw treulio penwythnos yn Aberystwyth yn cael fy hyfforddi i roi cynnig ar gomedi stand-yp – prawf da i’r nerfau ac ychydig yn wahanol i ddiwrnod yn y chwarel.
Ar ôl bron i bedwar degawd, rydw i mor ymroddedig ag erioed i wneud gwaith da, cefnogi fy nhîm a helpu Grŵp Hogan i barhau i fod yn gwmni y gallwn ni i gyd fod yn falch ohono.