01248 353 595 Deunyddiau o safon
Amddiffynfeydd craig gwenithfaen
Amddiffynfeydd craig gwenithfaen
Amddiffynfeydd Craig Gwenithfaen Premiwm ar gyfer Arfordiroedd Gogledd Cymru
Amddiffynfeydd craig gwenithfaen premiwm sy’n gadarn pan fydd Môr Iwerddon yn arw. Rydym ni’n cyflenwi cerrig amddiffynfeydd trwm ledled Gogledd Cymru, gan helpu i ddiogelu glannau, harbwrs a seilwaith critigol y rhanbarth.
Gyda meintiau mawr, gwydnwch a rheolaeth ansawdd gyson, mae ein craig yn gweithio’n galed mewn morgloddiau, rhagfuriau, waliau môr, a grwynau i gadw erydiad mewn rheolaeth a chadw prosiectau ar y trywydd iawn.
Bydd ein tîm yn gallu rhoi cyngor i chi ar y maint priodol, adeiladwaith yr haenau a pha mor ymarferol yw’r gwaith adeiladu, er mwyn sicrhau bod eich amddiffynfa’n perfformio cystal ar y safle ag y mae ar y cynllun.
Ystod o Feintiau Ar Gael
Ystod o Feintiau Ar Gael
Clogfeini RipRap, 300/1000kg, 1/3T a 3/6T
Delfrydol ar gyfer Gwaith Arfordirol
Cyngor Arbenigol Ar Eich Gofynion
FAQs
A all y cyhoedd gyrchu amddiffynfeydd craig yn ddiogel?
Nid yw amddiffynfeydd craig yn llwybrau cerdded. Gall y cerrig mawr, anwastad fod yn llithrig ac yn beryglus, yn enwedig pan fyddant yn wlyb.
Ydych chi'n cynnig cymorth dylunio neu ddim ond cyflenwi’r carreg?
Dydyn ni ddim yn disodli eich peiriannydd, ond rydym ni’n gwneud mwy na dim ond gollwng craig wrth y giât. Rydym yn gweithio gyda’ch tîm i roi cyngor ar y maint priodol, adeiladwaith yr haenau a pha mor ymarferol yw’r gwaith adeiladu, gan sicrhau bod eich amddiffynfa’n gweithio cystal yn ymarferol ag y mae ar y cynllun.
Sut mae amddiffynfeydd craig yn cymharu â waliau môr, caergewyll neu bentyrru dalennau?
Mae amddiffynfeydd craig yn rhoi rhwystr cadarn, sy’n edrych yn naturiol i chi sy’n helpu i dynnu’r grym allan o’r tonnau cyn iddynt daro’r lan. Mewn llawer o fannau agored gall weithio allan yn rhatach i’w osod ac yn symlach i edrych ar ei ôl na wal goncrit anhyblyg, caergewyll neu bentyrrau dalennau.
Pa mor hir mae amddiffynfeydd craig yn para?
Pan fydd yn cael ei bennu’n gywir (gan ddewis y math a’r maint priodol o garreg) a’i osod ar sylfaen addas, gall amddiffynfa craig ddarparu amddiffyniad am sawl degawd, ac yn aml bara rhwng 50 a 100 mlynedd.
Mae ei oes yn dibynnu ar wydnwch y garreg (er enghraifft, creigiau igneaidd caled fel gwenithfaen a basalt), hinsawdd tonnau lleol, lefelau dŵr a pha mor dda mae’n cael ei harchwilio a’i chynnal dros amser.
Ydy "Rip rap" yr un peth ag amddiffynfa craig?
Ydy – yn ymarferol, mae “Rip rap” ac amddiffynfa craig yn cyfeirio at yr un math o amddiffyniad: creigiau trwm wedi’u gosod i ddiogelu traethlinau, glannau afonydd a strwythurau rhag erydiad a sgwrfa. Mae maint “Rip rap” yn amrywio rhwng carreg 100/500mm.
Beth yw amddiffynfeydd craig?
Mae amddiffynfa craig yn gerrig naturiol o’r chwarel mewn meintiau mawr ac afreolaidd, sy’n cael eu gosod mewn haenau i greu rhwystr trwm sy’n cydgloi ac sy’n amddiffyn rhag tonnau, cerrynt ac erydiad. Mae’n ddelfrydol ar gyfer sefydlogi glannau, morgloddiau ac amddiffynfeydd rhag llifogydd.
Oherwydd y gwagle rhwng y cerrig, mae amddiffynfeydd craig yn caniatáu i ddŵr basio drwodd i wasgaru egni yn hytrach na chymryd yr effaith lawn fel wal solet. Gall hyn leihau erydiad yn sylweddol a diogelu’r tir neu’r ased y tu ôl iddo.
Pa safonau mae eich cerrig amddiffyn yn eu bodloni?
Mae ein cerrig amddiffyn yn cael eu cynhyrchu i BS EN 13383, sy’n cwmpasu graddio, dwysedd a gwydnwch ar gyfer gwaith arfordirol ac afonydd heriol. Rydym ni’n cefnogi hyn gyda data prawf a thystysgrifau.
Angen Amddiffynfeydd craig gwenithfaen Ar gyfer Eich Prosiect Nesaf?
Ymateb cyflym. Dim erlid. Pobl go iawn. Gwasanaeth go iawn.